Sei kva du meiner om studieprogrammet ditt!

Studiebarometeret gir deg som student moglegheit til å påverka eige studieprogram. Resultata frå undersøkinga skal nyttast i arbeidet med å forbetra studiekvaliteten ved Arkitektur- og designhøgskolen i Oslo (AHO).

Stemma di er viktig

Forvaltningsorganet NOKUT er avhengig av ein høg svarprosent frå studentar ved AHO for å kunna rapportera på resultata frå studieprogramma til høgskulen. Derfor er stemma di viktig – bruk den!

Det tek deg berre 10-12 minutt å svara på undersøkinga. Undersøkinga spør blant anna om tema som undervisning og rettleiing, læringsutbyte, studieinnsats, forventningar, motivasjon, studie- og læringsmiljø og tilknytning til arbeidslivet.

Gjennomfør undersøkinga her (nokut.no).

Opplysningane vil bli behandla konfidensielt og vil ikkje bli publisert på ein måte som kan identifisere enkeltpersonar.

Kva er Studiebarometeret?

Studiebarometeret er ei nasjonal spørjeundersøking som blir utført av NOKUT på oppdrag frå Kunnskapsdepartementet. NOKUT arbeider for at studentane skal få den kvaliteten i utdanninga dei har krav på. Formålet med undersøkinga er å samla inn informasjon om studentars oppfatning om kvalitet i utdanningen.

Resultata blir publisert i på studiebarometeret.no. Informasjonen du oppgir blir behandla konfidensielt, og det skal ikkje offentleggjerast data som gjer det mogleg å identifisera den som svarer. I nettportalen kan du sjå tidlegare resultat frå studieprogram over heile landet.